МТМ НЕТ

Градоначалничката на Општина Кисела Вода, Бети Стаменкоска Трајкоска, информираше за успешно завршување на градежните работи и целосно реновирање на објектот „Кокиче“, кој работи во состав на детската градинка „Весели Цветови“.

Со овој зафат целосно е обновен средишниот и постар дел од објектот, кој вклучува три занимални за деца на возраст од 2 до 6 години, кујната, канцеларијата и ходникот.

Во рамките на реконструктивните активности отстранета е старата ѕидна ламперија, поставена е нова арматурна мрежа, а ѕидовите се темелно израмнети и обработени.

Исто така, поставени се нов плафон и модерно осветлување, извршена е демонтажа, чистење и бојадисување на радијаторите, со што се создаде многу побезбедна, попријатна и поздрава средина за престој и едукација на најмладите, како и современи услови за работа на воспитниот кадар.

Фото извор: https://www.facebook.com/betistamenkoska