МТМ НЕТ

Градоначалничката на Општина Кисела Вода, Бети Стаменкоска Трајкоска, упати покана до сите сограѓани за викенд-дружба посветена на домашната кинематографија.

Во соработка со Кинотека на Македонија, овој викенд во амфитеатарот на Домот на културата во Драчево ќе се одржи бесплатно кино на отворено, со почеток од 20:00 часот.

Кинопрограмата започнува во сабота, 8 август, со популарната комедија „Бал-Кан-Кан“ во режија на Дарко Митревски, во која настапува врвна актерска екипа предводена од Владо Јovановски, Адолфо Марџота, Ѕвездана Ангеловска и Бранко Ѓуриќ.

Во недела, на 9 август, на репертоарот е историската драма „Трето полувреме“, инспирирана од вистински настани, со Катарина Ивановска, Сашко Коцев, Ричард Самел и Раде Шербеџија во главните улоги.

Влезот за двете филмски вечери е слободен за сите заинтересирани посетители.