МТМ НЕТ

Градоначалникот на Општина Карпош, Сотир Лукровски, одржа работна средба со градоначалникот на Витина, Сокол Халити, на која се разговараше за конкретни можности за идно партнерство и заедничко настапување пред европските фондови.

Посебен акцент беше ставен на прекуграничните програми и јавните повици преку кои двете општини би можеле заеднички да реализираат проекти од значење за локалното население.

Како области со потенцијал за соработка беа издвоени заштитата на животната средина и развојот на туризмот.

Во рамки на средбата беа разменети искуства поврзани со функционирањето на локалната самоуправа, надлежностите на општините и можностите за воспоставување долгорочни партнерства.

Заедничкото користење на искуствата, ресурсите и потенцијалите може да придонесе за создавање нови проекти, одржлив локален развој и подобри услови за граѓаните.

Со ваквите партнерства, Карпош ги проширува можностите за повлекување европски средства и за реализација на проекти со конкретни придобивки за заедницата.

Фото извор: https://www.facebook.com/OpstinaKarpos