МТМ НЕТ

Во скопската населба Тафталиџе 2 започна реконструкцијата на улицата „Софиска“, проект со кој треба да се подобрат условите за одвивање на сообраќајот и движење на пешаците.

На почетокот на градежните работи увид на терен извршија премиерот Христијан Мицкоски и градоначалникот на Општина Карпош Сотир Лукровски.

Реконструкцијата ќе опфати делница долга околу 410 метри.

Предвидено е поставување нов асфалтен слој, санација и замена на рабниците и долниот строј, како и обновување на постојните бехатонски коцки на тротоарите.

Инвестицијата е вредна 17.596.396 денари со вклучен ДДВ, а средствата се обезбедени со финансиска поддршка од Владата преку Министерството за транспорт.

Од Општина Карпош очекуваат со реализацијата на проектот да се подобрат безбедноста, функционалноста и квалитетот на инфраструктурата за жителите на Тафталиџе 2.

Фото извор: https://www.facebook.com/OpstinaKarpos