МТМ НЕТ

Општина Карпош најави дека и оваа година ќе им обезбеди бесплатни ранци и основен училишен прибор на сите деца кои за првпат ќе седнат во училишните клупи.

За реализација на оваа традиционална мерка од општинскиот буџет се издвоени 1.000.000 денари, согласно годишната програма на Одделението за образование.

По повод почетокот на новата учебна година, градоначалникот Сотир Лукровски лично ќе ги посети основните училишта за да им ги врачи подароците на најмладите ученици, со што локалната самоуправа им посакува топло добредојде и успешен почеток, а воедно дава и значајна финансиска поддршка за семејствата.

Фото извор: https://www.facebook.com/OpstinaKarpos?locale=mk_MK