МТМ НЕТ

Општина Карпош продолжува со инвестиции во подобрување на условите и безбедноста во основните училишта, со поставување нови хидрофори во ООУ „Аврам Писевски“ во Бардовци и ООУ „Владо Тасевски“ во Козле.

Со оваа инвестиција се подобрува функционирањето на хидрантската и водоводната мрежа во двата училишни објекта, со што се зајакнува и нивната безбедносна инфраструктура.

Средствата за реализација на проектот се обезбедени од Буџетот на Општина Карпош, во согласност со годишната програма на Одделението за заштита и спасување.

Од Општината најавуваат дека во наредниот период вакви активности ќе бидат реализирани и во преостанатите осум основни училишта, со цел целосно унапредување на хидрантско-водоводната инфраструктура.

Фото извор: https://www.facebook.com/OpstinaKarpos