МТМ НЕТ

Општина Карпош продолжува со активности за унапредување на училишната инфраструктура и создавање подобри услови за учениците во основните училишта на својата територија.

Во ООУ „Лазо Трповски“ се реализираат активности за обновување и уредување на училниците, а предвидена е и набавка на нов училишен мебел, како и поставување современи интерактивни панели кои треба да придонесат за модернизирање на наставниот процес.

Паралелно со подобрувањето на условите за настава, во училиштето се работи и на спортската инфраструктура. На спортското игралиште се заменети старите и оштетени даски на трибините за фудбалското и кошаркарското игралиште со нови.

Од Општина Карпош посочуваат дека вложувањата во образованието, спортот и создавањето квалитетна средина за развој на најмладите остануваат меѓу приоритетите во нивната работа.

Фото извор: https://www.facebook.com/OpstinaKarpos