МТМ НЕТ

Општина Карпош, во соработка со Црвениот крст на Град Скопје, ја нуди услугата „Итно копче“, наменета за жители на возраст над 65 години кои живеат сами или со сопружник со нарушена здравствена состојба.

Преку оваа алатка, корисниците со едно притискање можат да стапат во контакт со обучен оператор за добивање брзи насоки, прва помош во домот или транспорт до надлежна здравствена институција.

Заинтересираните граѓани можат да се пријават на телефонскиот број 02/15330, а поради ограничениот број на уреди, изборот на корисниците се врши по принципот „прв дојден – прв услужен“, со што локалната самоуправа обезбедува поголема поддршка и грижа за највозрасната категорија жители.