МТМ НЕТ

Градоначалникот на Општина Карпош, Сотир Лукровски, оствари средба со архиепископот г. г. Стефан, на која се разговараше за улогата на верата и духовните вредности во секојдневниот живот, како и за нивното значење во развојот на локалната заедница.

Една од главните теми на разговор беше изградбата на храмот „Христос Спасител“ во населбата Карпош 4, при што беше нагласена и важноста од изградбата и грижата за верските објекти на територијата на општината.

На средбата беше истакнато дека храмовите претставуваат места кои го поттикнуваат духовниот живот, ја негуваат традицијата и придонесуваат за зацврстување на заедништвото меѓу граѓаните.

Од Општина Карпош посочуваат дека верските и духовните објекти се значаен дел од културното и духовното наследство и имаат важна улога во животот на локалната заедница.