МТМ НЕТ

Општина Карпош објави соопштение за прифаќање барања за надомест на материјална штета за граѓаните чии имоти беа зафатени од силното невреме на 21 јули 2026 година.

Постапката се спроведува во соработка со Владата и Град Скопје, а образецот може да се подигне во општинската архива или да се преземе преку соодветниот линк.

Пополнетите барања, заедно со задолжителната документација (лична карта, имотен лист, фотографии од штетата и записник од МВР), се поднесуваат во архивата на општината секој работен ден од 7:30 до 15:00 часот, во рок од 30 дена од денот на невремето.

Од општината информираат дека оние граѓани кои веќе поднеле пријави наредниот период ќе бидат контактирани за дополнување и усогласување на документацијата.