МТМ НЕТ

По повод Меѓународниот ден на шахот, Општина Карпош на 20 јули ќе организира „Шаховско утро“ на платото „Млечен“. Настанот ќе започне во 9 часот и е наменет за сите љубители на шахот, без разлика на возраста или нивото на искуство.

Целта на настанот е да се промовира шахот како игра што ги развива логичкото размислување, концентрацијата, стратегиското планирање и спортскиот дух, но и да поттикне дружење и меѓугенерациска соработка.

На заедничкото одбележување на Меѓународниот ден на шахот ќе присуствува и градоначалникот на Општина Карпош, Сотир Лукровски.

Од Општина Карпош ги повикуваат децата, младите, возрасните и пензионерите да се приклучат на шаховското дружење и заедно да го одбележат овој ден.

Посочуваат дека преку ваквите активности продолжуваат да ги промовираат здравите животни навики, интелектуалниот развој, спортскиот дух и активното учество на граѓаните во локалната заедница.