МТМ НЕТ

Градоначалникот на Скопје, Орце Ѓорѓиевски, упати честитка по повод 8 Септември – 35-годишнината од независноста на Македонија.

Ѓорѓиевски потсети дека на 8 септември 1991 година граѓаните на референдум ја потврдија волјата за независна и суверена држава, оценувајќи го тој чин како круна на вековниот стремеж за сопствена држава.

Тој порача дека низ историските предизвици најголемата сила на македонскиот народ била единството и истрајноста.

„Наша должност е достоинствено, сплотено и со силно чувство за сопствената држава да изградиме посилна, поуспешна и просперитетна Македонија“, порача Ѓорѓиевски.

Во честитката тој нагласи дека на идните генерации треба да им се остави здрава, стабилна и достоинствена држава.

„Да живее независна и суверена Македонија! Македонијо, ќе бидеш вечна и вековита!“, порача Ѓорѓиевски.