МТМ НЕТ

Сите испитани примероци од водоснабдителниот систем на град Скопје одговараат на прописите за безбедност и квалитет на водата за пиење, информираат од ЈП „Водовод и канализација“ – Скопје.

Во текот на 3 септември, Секторот за санитарна контрола зел 42 примероци од водоводната мрежа во Скопје, од кои четири биле од бунарскиот потег Нерези-Лепенец.

Примероците се анализирани во акредитирани лаборатории, при што се вршат физичко-хемиски и микробиолошки испитувања согласно важечкиот Правилник за барањата за безбедност и квалитет на водата за пиење и стандардот ISO 17025:2018.

Според добиените резултати, сите испитани примероци од водоснабдителниот систем на Скопје се во согласност со пропишаните стандарди.