МТМ НЕТ

Претседателот на Владата, Христијан Мицкоски, упати благодарност до сите институции, министерства, железнички претпријатија и градоначалници кои учествуваа во брзата реализација на проектот за градскиот воз на релацијата Зелениково – Скопје.

Тој истакна дека за само една година е креирано решение со навистина европски услови за патување, кое ќе помогне во решавањето на транспортните предизвици и намалувањето на загадувањето во пресрет на грејната сезона.

Мицкоски потенцираше дека преку конкретни и реализирани проекти се стекнува кредибилитет и се менува перцепцијата за државата и институциите.

Тој најави дека власта продолжува со истата динамика и во иднина, додавајќи дека жителите на Зелениково и Скопје веќе имаат корист од модерна, брза и ефикасна врска.