МТМ НЕТ

Скопје доби нов градски воз со официјалното пуштање во употреба на целосно рехабилитираната железничка делница меѓу Транспортен центар Скопје и Зелениково, во должина од околу 25 километри.

Градоначалникот на Град Скопје, Орце Ѓорѓиевски, истакна дека овој проект претставува голем исчекор кон модерен и ефикасен јавен превоз, реализиран во соработка со премиерот Христијан Мицкоски и министерот за транспорт Александар Николоски.

Со новата линија, патувањето од Зелениково до главниот град трае само дваесетина минути, со што се обезбедува побрз, побезбеден и еколошки одржлив транспорт.

Во рамките на проектот е извршена темелна модернизација на пругата, со замена на дотраените прагови и машинско регулирање на колосекот, а синхронизирани се и возните редови со автобускиот превоз за целосна функционалност.

Градоначалникот Ѓорѓиевски најави и скорашна испорака на 100 нови градски автобуси, како и завршни подготовки за воведување на модерниот БРТ-систем, со што целосно се заокружува трансформацијата на градската сообраќајна мрежа.

Ова го пренесува градоначалникот на Скопје, Орце Ѓорѓиевски.

Фото извор: https://www.facebook.com/1OrceGj