МТМ НЕТ

Сите анализирани примероци од водоснабдителниот систем на град Скопје одговараат на пропишаните стандарди за безбедност и квалитет на водата за пиење, информираат од ЈП „Водовод и канализација“ – Скопје.

Во текот на 1 септември, Секторот за санитарна контрола зел вкупно 43 примероци од водоводната мрежа во Скопје, од кои пет биле од бунарскиот потег Нерези-Лепенец.

На примероците се вршат физичко-хемиски и микробиолошки анализи во акредитирани лаборатории, согласно важечките правилници и стандарди за контрола на квалитетот на водата за пиење.

Според добиените резултати, сите испитани примероци од водоснабдителниот систем на Скопје се во согласност со Правилникот за барања за безбедност и квалитет на водата за пиење.