МТМ НЕТ

Градоначалникот на Град Скопје, Орце Ѓорѓиевски, по повод првиот училишен ден ги посети средните училишта во кои во текот на летниот период беа реализирани значајни реконструкции и опремувања со современи дидактички помагала, интерактивна технологија и нов училиштен мебел.

Во училиштата се уредени нови кабинети по математика и физика, како и лаборатории по хемија и биологија, со што на наставниот процес му се дава практична и експериментална димензија наместо исклучиво теоретско изучување.

Како дел од иновативниот пристап во образованието, изграден е и „паметен пластеник“ – современа училишна лабораторија опремена со сензори, микроконтролери и автоматски системи за наводнување и агростаница, каде учениците практично ќе ги изучуваат земјоделските процеси и технологијата.

Дополнително, за поддршка на здравјето и спортот меѓу младите, изградени се и нови, современи спортски терени во средните училишта.

Фото извор: https://www.facebook.com/1OrceGj?locale=mk_MK