МТМ НЕТ

Советот на Град Скопје го изгласа ребалансот на буџетот, со кој основниот буџет се зголемува за 61,76 милиони денари, достигнувајќи рекордни 5,32 милијарди денари.

Меѓу најзначајните проекти е изградбата на нов мост и улица што ќе ги поврзат Ѓорче Петров и Сарај, за што се предвидени 420 милиони денари. Обезбедени се и дополнителни средства за Скопје 2028, поддршка за онколошките пациенти, реконструкција на помали улици, училишна и спортска опрема и чистење на дивите депонии.

Според градоначалникот Орце Ѓорѓиевски, паралелно со зголемувањето на инвестициите, Град Скопје ги намалил вкупните обврски за 60,2 милиони евра.

Ѓорѓиевски посочи дека капиталната реализација во вториот квартал достигнала 706,3 милиони денари, оценувајќи го периодот како најуспешен во досегашната историја на Град Скопје.