МТМ НЕТ

Градоначалникот на Општина Ѓорче Петров, Александар Стојкоски, најави почеток на реализација на еден од најзначајните и најиновативните проекти во областа на обновливите извори на енергија во државата.

Проектот се реализира преку модел на јавно-приватно партнерство, без никаков дополнителен финансиски товар за општинскиот буџет, а општинската управа ќе остварува 18% од приходите генерирани од производството на струја.

Во рамките на иницијативата, фотоволтаични системи ќе бидат поставени на покривите на сите седум општински основни училишта.

Со ова се создаваат енергетски поефикасни образовни институции, се производи чиста енергија и се обезбедува нов извор на приходи кои повторно ќе се инвестираат во проекти во интерес на граѓаните.