МТМ НЕТ

Градоначалникот на Општина Ѓорче Петров, Александар Стојкоски, информираше дека целосно е завршено асфалтирањето на улица „33“ заедно со нејзините краци во најстарото јадро на населбата Волково.

Со овие градежни зафати, жителите на овој дел од населбата за првпат по неколку децении добиваат современ, безбеден и пристоен пристап до своите домови.

Градоначалникот нагласи дека се работи за реализација на ветеното и рамномерен развој на сите населени места во општина Ѓорче Петров.

Локалната самоуправа најавува продолжување на инфраструктурните активности и теренските работи со исто темпо, со цел подобрување на условите за живот во секое маало и секоја улица низ целата општина.