МТМ НЕТ

Градоначалникот на Општина Ѓорче Петров, Александар Стојкоски, информираше дека е создаден нов современ простор за спорт и активен начин на живот во рамки на ООУ „Димитар Поп Георгиев – Беровски“.

Новата фитнес зона на отворено е наменета за учениците, младите и сите жители на општината, со цел поттикнување здрави навики, поголема физичка активност и подобри услови за спорт и рекреација.

Стојкоски посочи дека инвестициите во спортската инфраструктура се дел од определбата на општината за создавање услови за развој на спортскиот дух кај младите и изградба на поздрава заедница.

„Создаваме нови простори за спорт, движење и дружење. Со ваквите проекти градиме здрави навики, силни генерации и поспортско Ѓорче Петров“, порача градоначалникот.

Новата зона претставува уште еден чекор во унапредувањето на условите за спорт и рекреација во општината, со фокус на достапни содржини за сите возрасни категории.

Фото извор: https://www.facebook.com/aleksandarstojkoskidr