МТМ НЕТ

Одделението за заштита и спасување реализирало итна терестичка адултицидна дезинсекција на критични и приоритетни точки на територијата на општината, со цел да се намали бројот на комарци и ризикот од понатамошно ширење на болеста.

Од Општина Гази Баба информираат дека превентивните активности ќе продолжат и во наредните денови, согласно развојот на состојбата и препораките на надлежните институции.

Од локалната самоуправа апелираат до граѓаните да преземат превентивни мерки во своите домови и дворови, особено да не оставаат садови и површини со застоена вода, бидејќи тие создаваат услови за размножување на комарците.

Од општината посочуваат дека состојбата се следи на терен и дека се преземаат дополнителни активности за намалување на ризикот и заштита на здравјето на населението, при што упатуваат порака дека нема простор за паника, но потребни се внимателност и одговорно однесување.

Фото извор: https://www.facebook.com/opstinagazibaba