МТМ НЕТ

Градоначалникот на Општина Гази Баба, Бобан Стефковски, истакна дека се реализираат проекти за изградба на четири нови детски градинки со кои целосно ќе се надминат листите за чекање за упис на деца во општината.

Според објавените податоци, изградбата во Трубарево е целосно завршена со капацитет за 60 деца, објектот во Инџиково за 50 деца е во завршна фаза, во Маџари – Керамидница интензивно се гради најголемата градинка за 150 деца, а наскоро започнува изградбата и на нова современа градинка во Сингелиќ.

Стефковски нагласи дека овие капитални инвестиции носат поголема поддршка за семејствата и поквалитетни услови за раст и развој на најмладите, потврдувајќи ја посветеноста на локалната самоуправа кон рамномерен развој на сите населени места.