МТМ НЕТ

Во населеното место Раштак започна изградбата на нова бушотина со цел подобрување на водоснабдувањето и обезбедување постабилен пристап до вода за жителите, информира градоначалникот на Општина Гази Баба, Бобан Стефковски.

Како што посочи, проектот го реализира Јавното комунално претпријатие „Гази Баба“, кое работи на создавање долгорочни решенија за унапредување на комуналната инфраструктура во општината.

Паралелно со изградбата на бушотината, се подготвува и основен проект за зафаќање вода од Раштанска Река.

Според Стефковски, овој проект ќе овозможи обезбедување дополнителни количини вода и ќе придонесе за трајно и одржливо решение на проблемите со водоснабдувањето во Раштак.

Градоначалникот истакна дека Општина Гази Баба продолжува со инвестиции во инфраструктурни проекти кои имаат долгорочно значење за граѓаните, со цел подобрување на условите за живот и создавање посигурни комунални услуги во сите населени места.

Тој нагласи дека преку планирање, координација со институциите и реализација на конкретни проекти, општината продолжува да работи на развој и модернизација на локалната инфраструктура.

Фото извор: https://www.facebook.com/StefkovskiB