МТМ НЕТ

Градоначалникот на Општина Гази Баба, Бобан Стефковски, изврши увид во градежните активности за изградба на новата училишна спортска сала во ООУ „Наум Охридски“ во Црешево, проект вреден 34.099.421 денар обезбеден од Владата.

Работите се одвиваат со одлична динамика, а пуштањето во употреба се очекува на почетокот на октомври.

Новиот објект изграден според европски стандарди е наменет за учениците од Црешево, Виниче и Смилковци, а покрај спортскиот терен за кошарка, одбојка и ракомет, опфаќа и современи соблекувални со тушеви, тоалети, простории за наставниот кадар и простор за опрема.

Градоначалникот Стефковски истакна дека ова претставува исправување на долгогодишна неправда и трајна инвестиција во здравјето и иднината на младите.

Фото извор: https://www.facebook.com/StefkovskiB