МТМ НЕТ

Општина Гази Баба и понатаму ќе обезбедува еднократна финансиска помош во износ од 8.000 денари за секое новороденче, со цел да им помогне на семејствата во првите денови по раѓањето на детето.

Според градоначалникот Бобан Стефковски, оваа мерка претставува поддршка за родителите, но и јасна порака дека секое новородено дете има еднакво значење за локалната заедница.

Тој истакнува дека општината останува посветена на креирање услови што ќе им овозможат на младите семејства поголема сигурност и грижа.

Градоначалникот ги повика сите родители кои ги исполнуваат предвидените услови да поднесат барање за користење на финансиската поддршка, нагласувајќи дека секое ново раѓање претставува повод за радост и дополнителен мотив за вложување во иднината на општината.

Како што наведува Стефковски, преку ваквите мерки Општина Гази Баба продолжува да ја развива семејната политика и да обезбедува конкретна поддршка за најмладите жители и нивните родители.

Фото извор: https://www.facebook.com/StefkovskiB