МТМ НЕТ

Градоначалникот на Општина Гази Баба, Бобан Стефковски, заедно со претставници на општинските власти и економскиот оператор, изврши увид во градежните работи на новото ООУ „Крсте Мисирков“ во Ченто, констатирајќи дека проектот влегува во својата завршна фаза и се одвива според предвидената динамика.

По цели 61 година, училиштето добива нова зграда изградена според највисоките европски стандарди.

Капиталниот проект е вреден 170 милиони денари, се протега на површина од 3.128 метри квадратни (приземје и еден кат) и содржи 30 современо опремени кабинети со капацитет за 713 ученици.

Објектот е целосно инклузивен, а паралелно се одвива и набавката на нов училишен инвентар, со што се очекува училиштето да ги отвори вратите за учениците уште на почетокот на новата учебна година.