„Нешто што ќе остане“ во петок: Музичкиот настан се поместува поради најавеното невреме
- Детали
- Категорија: Центар
- Создадено: 09 Септември 2026
Музичкиот хепенинг ќе започне во 20 часот во Паркот на Франкофонија, каде посетителите ги очекува вечер исполнета со музика и забава.
На сцената ќе настапат Слаткар, Дупер, Барбара Поповиќ, Лина Пејовска и 2 Бона, додека водител на програмата ќе биде актерот и шоумен Сашко Коцев.
Организаторите информираат дека промената се однесува единствено на датумот, додека локацијата, програмата и почетокот на настанот остануваат непроменети.
Со настанот ќе биде одбележан јубилејот 50 години Општина Центар, а граѓаните се повикуваат да бидат дел од уште една вечер која, како што порачуваат организаторите, треба да остане запаметена.
Градоначалникот на Општина Центар, Горан Герасимовски, ја соопшти промената на терминот и ги покани граѓаните да се приклучат на прославата во петок.
Забрането копирање на авторска содржина без претходна писмена потврда од МТМ НЕТ ДООЕЛ. Доколку сметате дека вашето авторско право е прекршено ве молиме да не контактирате на mtm.net@yahoo.com
Можеби ќе ве интересира:
Сите статии објавени на МТМ.НЕТ.мк се во согласност со ИАБ етичкиот кодекс
