МТМ НЕТ

Учебната година за учениците од 4. до 9. одделение во ООУ „Киро Глигоров“ ќе започне со настава од далечина, поради градежните активности што сè уште се одвиваат во училиштето.

Наставата онлајн ќе се реализира привремено, согласно согласноста од Министерството за образование и наука, сè до создавање безбедни услови за враќање на учениците во училишните клупи.

Од Општина Центар велат дека безбедноста на учениците е приоритет и дека е важно наставата да започне навреме, без дополнително одложување.

Од Министерството е побарана информација за рокот и динамиката на завршување на градежните работи.

Градоначалникот на Центар, Горан Герасимовски, очекува активностите да бидат завршени во најкус можен рок, со цел учениците што побрзо да продолжат со редовна настава во училиштето.

Фото извор: https://www.facebook.com/gerasimovskig?locale=mk_MK