Општина Центар: Ново современа библиотека-медијатека во ООУ „11 Октомври“ од септември
- Детали
- Категорија: Центар
- Создадено: 05 Август 2026
Градоначалникот на Општина Центар, Горан Герасимовски, информираше дека од месец септември Основното училиште „11 Октомври“ ќе добие нов, современ простор целосно наменет за библиотека-медијатека.
Ова ново катче е дизајнирано да претставува инспиративна средина за учење, читање и развивање на трајна љубов кон книгите кај учениците.
Просторот ќе биде опремен со интерактивен панел, компјутери и стабилна интернет конекција, што овозможува спојување на традиционалниот пристап со современите дигитални алатки за учење.
Покрај богатиот книжен фонд, на располагање на учениците ќе им бидат ставени и специјализирани енциклопедии, стручни прирачници, речници, како и актуелни дневни весници и списанија.
Фото извор: https://www.facebook.com/gerasimovskig
Забрането копирање на авторска содржина без претходна писмена потврда од МТМ НЕТ ДООЕЛ. Доколку сметате дека вашето авторско право е прекршено ве молиме да не контактирате на mtm.net@yahoo.com
Можеби ќе ве интересира:
Сите статии објавени на МТМ.НЕТ.мк се во согласност со ИАБ етичкиот кодекс
