МТМ НЕТ

Градоначалникот на Општина Бутел, Дарко Костовски, информира дека е активирана гаранцијата за проектот за уредување на коритото на реката Серава и дека веќе е започната санацијата на сите констатирани оштетувања.

Според Костовски, издаден е налог за работа, а изведувачот од вчера активно работи на отстранување на недостатоците.

Тој нагласи дека нема да дозволи неквалитетна изведба и дека, согласно договорните обврски, сите оштетувања ќе бидат целосно санирани.

Градоначалникот потсети дека станува збор за проект кој, како што наведе, со децении бил најавуван, а сега е целосно реализиран.

Во рамки на проектот е изградено речно корито во должина од 1.800 метри, трим-патека и поставена е нова урбана опрема.

Костовски посочи дека е уреден и парк на површина од 5.000 квадратни метри, со што просторот е дополнително збогатен со зеленило и содржини за рекреација.

Соопштението е на градоначалникот на Општина Бутел, Дарко Костовски.