МТМ НЕТ

Компаниите отсега можат електронски да добијат потврда за поседување моторни возила за одреден временски период од Министерството за внатрешни работи, без потреба од посета на шалтер.

Информацијата ја објави министерот за дигитална трансформација Стефан Андоновски, кој посочи дека услугата е дел од продолжувањето на промоцијата на електронските услуги наменети за компаниите.

Барањето за добивање на потврдата може да се поднесе онлајн преку Националниот портал за е-услуги uslugi.gov.mk, а услугата, како што наведува Андоновски, може да се добие за само неколку минути.

Со дигитализирањето на оваа услуга се овозможува побрза постапка и намалување на административните обврски за правните лица, со што компаниите добиваат повеќе време за својата работа и развој.

„Чекор по чекор, услугите што им се потребни на компаниите ги правиме поедноставни, побрзи и достапни онлајн“, порача Андоновски.