МТМ НЕТ

Народната банка ги комплетираше првите две фази од проектот финансиран од Европската Унија, чија цел е воспоставување современ склад на податоци за потребите на екстерните статистики.

Активностите се дел од поширокиот проект за зајакнување на капацитетите во областа на екстерните статистики, платежната статистика и платните системи.

Во рамки на првата фаза беше направена анализа на постојната состојба и подготвена функционална спецификација, додека во втората беше изработен дизајнот на идното ИТ-решение, како и нацрт-документацијата.

Во продолжение на проектот ќе следуваат развојот, тестирањето и имплементацијата на новиот систем.

Со реализацијата на проектот се очекува унапредување на процесите преку поголема дигитализација и оптимизација, зголемување на оперативната ефикасност и обезбедување поквалитетни, подетални и подостапни статистички податоци за институциите и јавноста.

Воедно, проектот придонесува и за исполнување на обврските во процесот на европската интеграција, преку усогласување со статистичките стандарди и практики на Европската Унија.

Покрај воспоставувањето на складот на податоци, проектот предвидува и воведување на новиот меѓународен стандард ISO 20022 во Македонскиот интербанкарски платен систем (МИПС).