МТМ НЕТ

На 3 јули (четврток), со почеток во 14 часот, во хотел „Александар Палас“ во Скопје ќе се одржи јавна расправа во рамки на постапката за издавање на новата А-интегрирана еколошка дозвола за ТИТАН Усје.

Станува збор за процес во кој институциите, компанијата, стручната јавност, граѓанските организации и граѓаните ќе имаат можност јавно да ги изнесат своите аргументи, предлози и забелешки за условите под кои цементарницата ќе работи во наредните седум години.

Новата А-интегрирана еколошка дозвола ќе ги дефинира обврските на компанијата во однос на контролата на загадувањето, мониторингот на емисиите и мерките за заштита на животната средина.

Организаторите посочуваат дека јавната расправа претставува важен дел од постапката за донесување на дозволата и апелираат за присуство на медиумите, со цел јавноста навремено и објективно да биде информирана за аргументите и ставовите на сите засегнати страни, како и за потенцијалното влијание на новата дозвола врз животната средина и здравјето на граѓаните.

Официјалната информација за јавната расправа и постапката за обновување на А-интегрираната еколошка дозвола е објавена на веб-страницата на Министерството за животна средина и просторно планирање.