МТМ НЕТ

Управа за јавни приходи ги потсетува граѓаните дека крајниот рок за уплата на данокот утврден со Годишната даночна пријава за 2025 година е 30 јуни 2026 година.

Граѓаните кај кои е утврден износ за доплата треба навреме да ја извршат уплатата за да избегнат пресметка на камати и дополнителни трошоци. За оние на кои ќе им биде доставено решение со коригиран износ, рокот за плаќање е 15 дена од денот на приемот на решението.

УЈП посочува дека налогот за плаќање може да се преземе преку системот за е-даночни услуги, каде што по отворањето на Годишната даночна пријава за 2025 година, на третата страница е достапен налогот со сите потребни податоци за уплата.

Од Управата предупредуваат дека уплатата нема да биде евидентирана доколку не се внесат точно ЕМБГ, фолио бројот и останатите податоци од налогот. Доколку плаќањето го врши друго лице, претходно е потребно да се изврши промена на налогодавачот.

За граѓаните кои не се во можност да го подмират целиот износ одеднаш, постои можност за репрограм на даночниот долг, а дополнителни информации и упатства се достапни преку Управата за јавни приходи.