МТМ НЕТ

Управата за јавни приходи ги потсети засегнатите компании дека на 30 јуни истекува рокот за поднесување на првите даночни пријави за 2024 година согласно Законот за минимален глобален данок на добивка.

Законот се однесува на мултинационални и големи домашни групи на компании со годишен консолидиран приход од најмалку 750 милиони евра и предвидува минимална ефективна даночна стапка од 15 проценти.

До 30 јуни обврзниците треба да достават известување до УЈП, Пријава на информации за дополнителен данок (ГИР) и Пријава за квалификуван домашен дополнителен данок (КДДД/П).

Пријавите се поднесуваат електронски преку системот е-Даноци, а данокот треба да биде платен најдоцна до 30 јули, односно до 30 август, зависно од видот на обврската.

Од УЈП апелираат даночните обврзници навремено да ги исполнат своите законски обврски и за дополнителни информации да се обратат до институцијата преку официјалните канали за поддршка.