МТМ НЕТ

Регулаторната комисија за енергетика донесе одлука за намалување на цените на нафтените деривати во просек за 6,61 проценти, а новите цени ќе важат од полноќ, односно од 23 јуни во 00:01 часот.

Според одлуката, цената на бензинот ЕУРОСУПЕР БС-95 се намалува за 3,5 денари и ќе изнесува 84 денари за литар, додека ЕУРОСУПЕР БС-98 поевтинува за 4 денари и ќе се продава по 86 денари за литар.

Најголемо намалување има кај дизелот и екстра лесното масло за домаќинство, чии цени се намалуваат за 7 денари по литар. Новата цена на ЕУРОДИЗЕЛ БС (Д-Е V) ќе изнесува 80,5 денари, а на Екстра лесното масло 79,5 денари за литар.

Се намалува и цената на мазутот за 3,932 денари по килограм, па новата цена ќе биде 42,291 денар за килограм.

Од РКЕ информираат дека намалувањето следува по падот на референтните цени на нафтените деривати на светските пазари, особено кај дизелот и екстра лесното масло.