МТМ НЕТ

AERO Street Food Festival ги приведе кон крај првите три фестивалски вечери, исполнети со голем број посетители, разновидна гастрономска понуда и музичка програма.

Настанот, кој се одржува во паркот „Авионче“ под покровителство на Општина Аеродром, привлече публика од различни генерации и од повеќе делови на Скопје, но и од други градови.

Во изминатите денови на сцената настапија DJ Milan Serafimov, The Ringtones, DJ Aleksandar Jordanov, Dopamine и DJ Rizinski, кои со различни музички жанрови придонесоа за динамичната атмосфера на фестивалот.

Големо внимание привлече и гастрономската понуда, со учество на 20 брендови кои на посетителите им понудија специјалитети од домашната и интернационалната кујна.

Фестивалскиот простор во текот на вечерите беше исполнет со посетители и љубители на уличната храна.

Фестивалот продолжува вечерва, 7 септември, со настапите на диџеите од Fluere и бендот South Park.

Завршната вечер, на 8 септември, ќе понуди настапи на DJ Ficho и DJ Guardian, Acoustic Division и Sure Shotz.

Програмата започнува во 19:30 часот, додека фестивалскиот простор е отворен од 17:30 часот.

Влезот е бесплатен, а организаторите ги повикуваат граѓаните да ги искористат последните две вечери за дружење, музика и уживање во разновидната понуда.

Фото извор: https://www.facebook.com/OpstinaAerodrom