Општина Аеродром: Обезбедени бесплатни училишни униформи за 7.500 ученици за еднакви услови на почетокот на учебната година
- Детали
- Категорија: Аеродром
- Создадено: 03 Септември 2026
Општина Аеродром и оваа година обезбеди 7.500 бесплатни училишни униформи за сите ученици во основните училишта на територијата на општината, чија распределба ќе заврши до 20 септември.
Градоначалникот Дејан Митески ја официјализираше акцијата со посета на ООУ „Ѓорѓија Пулевски“, каде на учениците им беа врачени комплетите што содржат две поло-маички, две блузи со долги ракави и дуксер.
Митески истакна дека главната цел на оваа мерка е да се создадат еднакви услови за учење, растење и дружење за секое дете, а истовремено да им се помогне на семејствата во пресрет на новиот образовен период.
Тој порача дека локалната самоуправа продолжува со посветени инвестиции во младите и градење современа и праведна училишна средина. Ова го пренесува Дејан Митески, градоначалник на Аеродром.
Фото извор: https://www.facebook.com/miteskid
Забрането копирање на авторска содржина без претходна писмена потврда од МТМ НЕТ ДООЕЛ. Доколку сметате дека вашето авторско право е прекршено ве молиме да не контактирате на mtm.net@yahoo.com
Можеби ќе ве интересира:
Сите статии објавени на МТМ.НЕТ.мк се во согласност со ИАБ етичкиот кодекс
