МТМ НЕТ

Градоначалникот на Општина Аеродром, Дејан Митески, изврши увид во градежните активности од втората фаза на капиталниот проект за проширување на ООУ „Блаже Конески“ во населбата Мичурин.

Работите се одвиваат според предвидената динамика, а со завршувањето на оваа фаза вредна 253 милиони денари, училиштето ќе прерасне во еден од најмодерните образовни објекти во земјата.

Проектот опфаќа изградба на нова спортска сала (со што училиштето ќе располага со вкупно две сали), 10 нови училници, кабинет за информатика, современа библиотека и простран хол.

Дополнително, се врши целосно партерно и хортикултурно уредување на дворот, поставување ново отворено игралиште, урбана опрема и паркинг, како и опремување на училиштето со нов мебел.

Градоначалникот Митески изрази благодарност до Владата и премиерот Христијан Мицкоски за силната поддршка во реализацијата на оваа значајна инвестиција во младите.

Фото извор: https://www.facebook.com/miteskid