МТМ НЕТ

Градоначалникот на Општина Аеродром, Дејан Митески, изврши увид во теренските градежни активности што се реализираат во ООУ „Лазо Ангеловски“ во населбата Ново Лисиче за време на летниот распуст, со цел создавање побезбедна, пофункционална и современа училишна средина.

Во рамките на проектот се врши демонтирање на застарените дрвени панели од ѕидовите во ходниците, со што се подобрува општиот изглед и безбедноста на просторот.

Истовремено, се изведува проширување на постојните училници за да се обезбедат подобри услови за одржување на настава и работење на наставниот кадар.

Како дел од модернизацијата, за првпат се уредува современ кабинет по информатика и технологија, наменет за стекнување знаења според современи образовни стандарди, а целосно се реновира и обезбедува и влезот во училишната кујна.

Градоначалникот Митески потенцираше дека образованието останува врвен приоритет на општината, најавувајќи понатамошни инвестиции во образовната инфраструктура.

Фото извор: https://www.facebook.com/miteskid