МТМ НЕТ

Општина Аеродром денеска ги награди учениците на генерацијата од сите основни училишта на својата територија за учебната 2025/2026 година.

Покрај признанијата, секој од нив доби и еднократна парична награда во износ од 10.000 денари како признание за постигнатите успеси.

Наградени се Павел Ангелов од ООУ „Александар Македонски“, Стефани Накова од ООУ „Димитар Македонски“, Исидора Илијоска од ООУ „Блаже Конески“, Илина Трпеска и Димитар Стојановски од ООУ „Гоце Делчев“, Ива Минова од ООУ „Љубен Лапе“, Ана Станчева од ООУ „Лазо Ангеловски“, Јаков Грујовски од ООУ „Браќа Миладиновци“ и Ангела Давитковска од ООУ „Ѓорѓија Пулевски“.

Градоначалникот на Општина Аеродром, Дејан Митески, им честита на учениците за нивните резултати, истакнувајќи дека нивниот успех е доказ дека знаењето, трудот и посветеноста носат резултати и претставуваат поттик за сите млади да продолжат да се образуваат и напредуваат.

Тој упати благодарност и до наставниците, директорите, стручните служби и семејствата за поддршката што им ја даваат на учениците, додавајќи дека Општина Аеродром и во иднина ќе продолжи да ги поддржува и наградува младите таленти како значајна инвестиција во иднината.

Фото извор: https://www.facebook.com/miteskid?locale=mk_MK