МТМ НЕТ

Детското игралиште „Патрик“ во Општина Аеродром е целосно санирано и повторно достапно за најмладите, откако беше оштетено во неодамнешен вандалски чин.

Општинските служби интервенираа веднаш по инцидентот, со што просторот за игра, дружење и детски активности е вратен во првобитната и безбедна состојба.

Градоначалникот Дејан Митески упати апел до сите граѓани за поголема одговорност и почит кон јавните површини.

Тој нагласи дека детските игралишта се места каде се создаваат трајни спомени и пријателства, поради што се многу повеќе од обична урбана опрема.

„Да не дозволиме несовесноста и вандализмот да го уништат она што е изградено за нашите деца.

Само со заедничка грижа ќе ги зачуваме овие површини безбедни и уредени за сите“, истакна Митески.

Градоначалникот додаде дека Општина Аеродром останува посветена на инвестициите во квалитетна урбана опрема, спортски реквизити и нови игралишта, со цел да се обезбеди квалитетен простор за игра и за сегашните, но и за идните генерации.

Фото извор: https://www.facebook.com/miteskid