МТМ НЕТ

Во рамките на предвидените градежни активности, на десниот крак од улица „Лисец“ во Горно Лисиче веќе започна поставувањето на нов асфалтен слој, што претставува дел од целосниот процес на реконструкција на оваа сообраќајница.

Како што информираат од општинските служби, овој капитален проект опфаќа реконструкција на 520 метри од улицата, вклучувајќи поставување на нов тампонски слој, преку 3.300 квадратни метри нов асфалт и изградба на 1.400 квадратни метри нови тротоари.

Паралелно со овие активности, според утврдената динамика, градежните работи продолжуваат и на левиот крак од улицата „Лисец“.

Со реализацијата на овој проект, Горно Лисиче добива значително поквалитетна и побезбедна патна инфраструктура, со што се исполнуваат заложбите за подобар квалитет на живот за жителите на овој дел од општината.

Фото извор: https://www.facebook.com/miteskid