МТМ НЕТ

Градоначалникот на Град Скопје, Орце Ѓорѓиевски, денеска оствари работна средба со амбасадорката на Република Хрватска во земјава, Н.Е. Нивес Тигањ. На средбата, која помина во пријателска и конструктивна атмосфера, беа разгледани конкретните можности за унапредување на меѓународната соработка со фокус на развојот на локалната заедница и модернизација на градските услуги.

Во фокусот на разговорите беше проактивниот пристап на Град Скопје во спроведувањето на иницијативи кои директно го подобруваат квалитетот на секојдневното живеење на граѓаните. Градоначалникот Ѓорѓиевски ја истакна соработката со Хрватска како исклучителен пример за успешна размена на знаења и добри практики, кои се веќе етаблирани во многу сегменти од локалното управување.

Амбасадорката Тигањ и градоначалникот Ѓорѓиевски ја потврдија заедничката определба за дополнително продлабочување на билатералните односи. Силниот акцент беше ставен на градењето одржливи партнерства кои во иднина ќе резултираат со заеднички проекти во областа на културата, инфраструктурата и економијата.

Според првиот човек на Скопје, ваквиот отворен дијалог е цврста основа за отворање на нови можности за граѓаните. Тој изрази уверување дека во наредниот период соработката ќе се конкретизира со видливи придобивки кои дополнително ќе ја зајакнат врската меѓу македонската престолнина и хрватските пријателски градови и институции.