МТМ НЕТ

Телеметриската сеизмолошка мрежа на Македонија утрово регистрираше земјотрес чиј епицентар потекнува од пограничното епицентрално подрачје Урошевац.

Земјотресот е регистриран во 07 часот и 20 минути, а сеизмолошките станици одржувани од Сеизмолошката опсерваторија при Природно-математичкиот факултет во Скопје ја измерија неговата Рихтерова локална магнитуда (ML) на 3.3. Епицентарот се наоѓа на околу 42 километри северно од Скопје.

Според првичните податоци со кои располага Опсерваторијата, земјотресот е почувствуван во Скопје и околината со интензитет од III степени според Европската макросеизмичка скала (ЕMS).

За потребите на сеизмолошките истражувања, Сеизмолошката опсерваторија ги повикува граѓаните кои го почувствувале земјотресот да го пополнат прашалникот за почувствуваност, кој е достапен на следниот линк: https://seismobsko.pmf.ukim.edu.mk/prasalnici, или да се јават на бројот 112.