МТМ НЕТ

По иницијатива на градоначалникот Орце Ѓорѓиевски, Градот Скопје ја организира манифестацијата „УКРАСУВАМЕ ПО СКОПСКИ“, со цел да ги мотивира жителите на главниот град да ги украсуваат своите домови и со тоа да придонесат во разубавувањето на празничниот амбиент за време на Новогодишните и Божиќните празници.

Граѓаните кои сакаат да се натпреваруваат за најинтересно и најкреативно новогодишно украсување, можат да се пријават на телефонскиот број 3297 265, во периодот од 11 до 23 декември 2025 година, од 9 до 16 часот.

Фотографиите од украсените објекти, заедно со податоците за сопствениците, телефонскиот број и адресата, учесниците можат да ги испраќаат на интернет-адресата Оваа е-адреса е заштитена од спамботови. Треба да ви е овозможено JavaScript за да ја видите., или на адреса: булевар Илинден бр. 82, со назнака за манифестацијата „УКРАСУВАМЕ ПО СКОПСКИ“.

Годинава, Градот Скопје ќе избира победници во следните категории:

Најубаво новогодишно украсен двор од индивидуална станбена куќа.

Најубаво новогодишно украсена тераса од стан.

Најубави раскази напишани од средношколците на тема новогодишни желби и празнувања.

Пријавените објекти ќе бидат посетени од жири-комисија составена од претставници на медиумите, кои исто така ќе ги оценуваат и составите на средношколците. Заинтересираните медиуми можат да пријават свои претставници за членови во жири-комисиите на Оваа е-адреса е заштитена од спамботови. Треба да ви е овозможено JavaScript за да ја видите..

Градот Скопје за најдобрите во сите категории ќе обезбеди соодветни награди, кои ќе ги додели градоначалникот Орце Ѓорѓиевски.