МТМ НЕТ

Општина Илинден ги повикува своите граѓани, претставниците на граѓанските здруженија и правните лица активно да се вклучат во финалната фаза од изработката на Буџетот за 2026 година. Овој инклузивен процес, кој во текот на месец ноември им овозможи на жителите да пополнат буџетски прашалници и да ги достават своите идеи, кулминира со отворен ден наменет за заедничко креирање на финансискиот план.

Отворениот ден ќе се одржи утре, 28 ноември (петок), во просториите на Општина Илинден, со почеток од 14:00 до 18:00 часот.

Од Општината истакнуваат дека ова е директна можност за жителите да бидат дел од промените, со што се подобрува квалитетот на локалните услуги и условите за живот. Ваквиот пристап ја потврдува заложбата на Општина Илинден за транспарентно и одговорно работење, кое е ставено во служба на граѓаните, овозможувајќи брзо и квалитетно решавање на проблемите на жителите.

„Врвен приоритет на Општина Илинден е транспарентно и одговорно работење во служба на граѓаните, затоа ваквата инклузивна можност воспоставува процеси на брзо и квалитетно решавање на проблемите на жителите“, велат од локалната самоуправа.