МТМ НЕТ

Жителите и посетителите на Општина Центар ќе можат бесплатно да ги користат услугите на јавните паркиралишта за време на претстојните празнични денови. Јавното претпријатие „Паркинзи на Општина Центар“ соопшти дека на први јануари сите паркиралишта со кои тие стопанисуваат ќе бидат слободни за користење без никаков надомест. Редовниот режим на наплата и административната работа на Дирекцијата ќе се вратат во нормала веќе следниот ден, на втори јануари, по вообичаеното работно време.

Истата пракса на бесплатно паркирање ќе се применува и за време на божиќните празници, односно на шести и седми јануари. Граѓаните ќе можат непречено да паркираат на овие локации два дена, по што претпријатието ќе продолжи со редовна наплата на осми јануари. Од јавното претпријатие потенцираат дека овие олеснувања се воведени со цел граѓаните поопуштено да ги поминат празничните моменти во срцето на градот.

Сепак, за да се одржи комуналниот ред на улиците, депото на „Пајак“ службата ќе функционира непрекинато во текот на целиот празничен период. Исто така, исклучок од бесплатниот режим се затворените паркиралишта „Дилајла“ и „Трготекстил“, каде што поради специфичниот начин на работа со автоматска наплата, наплатата ќе се одвива согласно редовниот режим. Од тимот на ЈП ПОЦ упатија честитки до јавноста, посакувајќи им на сите граѓани среќни и спокојни новогодишни и божиќни празници.