Растот на цената на нафтата на светските пазари, која надмина 110 долари за барел, може да предизвика нов бран поскапувања на храната.

Иако на прв поглед нема директна врска, експертите објаснуваат дека транспортот е еден од клучните фактори во формирањето на цените на прехранбените производи. Со повисоки трошоци за гориво, растат и цените за дистрибуција.

Дополнително, земјоделското производство во голема мера зависи од нафта и енергенси – од механизација до транспорт, што значи дека секое поскапување се прелева во крајната цена.

Трговците, пак, дел од зголемените трошоци ги префрлаат врз потрошувачите, што најчесто резултира со повисоки цени на основните производи.

Ако трендот продолжи, граѓаните би можеле да се соочат со ново зголемување на цените во маркетите во наредниот период.